റിയൽമി ബഡ്‌സ് ടി 310 ഇന്ത്യയിൽ ലോഞ്ച് ചെയ്തു

റിയൽമി 13 പ്രോ 5ജി സീരീസ് സ്‌മാർട്ട്‌ഫോണുകൾക്കും റിയൽമി വാച്ച് എസ് 2വിനും ഒപ്പം റിയൽമി ബഡ്‌സ് ടി 310 ചൊവ്വാഴ്ച ഇന്ത്യയിൽ അവതരിപ്പിച്ചു. ഈ ട്രൂ വയർലെസ് സ്റ്റീരിയോ (TWS) ഇയർഫോണുകളിൽ 12.4mm ഡൈനാമിക് ബാസ് ഡ്രൈവറുകളും എഐ സപ്പോർട്ട് ഉള്ള എൻവയോൺമെന്റൽ നോയിസ് ക്യാൻസലേഷൻ (ENC) പിന്തുണയുള്ള മൈക്കുകളും സജ്ജീകരിച്ചിരിക്കുന്നു. ഇയർഫോണുകൾ 46dB വരെ ഹൈബ്രിഡ് നോയിസ് ക്യാൻസലേഷനും 360 ഡിഗ്രി സ്പേഷ്യൽ ഓഡിയോ ഇഫക്റ്റും വാഗ്ദാനം ചെയ്യുന്നു. ഇയർഫോണുകളും ചാർജിംഗ് കേസും ചേർന്ന് 40 മണിക്കൂർ വരെ മൊത്തം പ്ലേബാക്ക് സമയം വാഗ്ദാനം ചെയ്യുമെന്ന് അവകാശപ്പെടുന്നു.

റിയൽമി ബഡ്‌സ് ടി 310ന്റെ ഇന്ത്യയിലെ വിലയും ലഭ്യതയും നോക്കാം. റിയൽമി ബഡ്‌സ് ടി 310 ഇന്ത്യയിൽ വിൽക്കുന്നത് 2,499 രൂപക്ക് ആണ്. ഫ്ലിപ്കാർട്ട്, റിയൽമി ഇന്ത്യ വെബ്‌സൈറ്റ്, തിരഞ്ഞെടുത്ത ഓഫ്‌ലൈൻ റീട്ടെയിൽ സ്റ്റോറുകൾ എന്നിവ വഴി ഓഗസ്റ്റ് 5ന് ഇന്ത്യൻ സമയം ഉച്ചയ്ക്ക് 12 മണി മുതൽ ഇവ വാങ്ങാൻ ലഭ്യമാകും.

അത് പോലെ റിയൽമി ബഡ്‌സ് ടി 310 വാങ്ങുന്ന ഉപഭോക്താക്കൾക്ക് 300 രൂപ തൽക്ഷണ കിഴിവ് (Instant Discount) ലഭിക്കും. എജൈൽ വൈറ്റ്, മോണറ്റ് പർപ്പിൾ, വൈബ്രൻ്റ് ബ്ലാക്ക് എന്നീ മൂന്ന് കളർ ഓപ്ഷനുകളിലാണ് ബഡ്‌സ് ടി 310 ഇയർഫോണുകൾ വാഗ്ദാനം ചെയ്യുന്നത്.

റിയൽമി ബഡ്‌സ് ടി310 സ്പെസിഫിക്കേഷനുകൾ: റിയൽമി ബഡ്‌സ് ടി 310ൽ 12.4mm ഡൈനാമിക് ബാസ് ഡ്രൈവറുകൾ ഉൾക്കൊള്ളുന്നു. കൂടാതെ 46dB വരെ ഹൈബ്രിഡ് നോയിസ് ക്യാൻസലേഷൻ വാഗ്ദാനം ചെയ്യുന്നു. ഓരോ ഇയർബഡിലും എഐ പിന്തുണയുള്ള മൂന്ന് ENC സപ്പോർട്ട് മൈക്കുകൾ സജ്ജീകരിച്ചിരിക്കുന്നു. അത് ചുറ്റുപാടുമുള്ള നോയിസ് ഇല്ലാതാക്കി വ്യക്തമായ കോളുകൾ അനുഭവിക്കാൻ ഉപയോക്താക്കളെ സഹായിക്കുമെന്ന് പറയപ്പെടുന്നു. അവർ സ്മാർട്ട് ടച്ച് നിയന്ത്രണങ്ങളും 45എംഎസ് അൾട്രാ ലോ ലേറ്റൻസി മോഡും പിന്തുണയ്ക്കുന്നു.

ഈ ടിഡബ്ള്യുഎസ്‌ (TWS) ഇയർഫോണുകൾ 360 ഡിഗ്രി സ്പേഷ്യൽ ഓഡിയോയും ഡൈനാമിക് സൗണ്ട് ഇഫക്റ്റുകളും പിന്തുണയ്ക്കുന്നു. റിയൽമി ബഡ്‌സ് ടി 310 റിയൽമി ലിങ്ക് ആപ്ലിക്കേഷനുമായി കണക്ട് ചെയ്യാനാകും. ഇയർഫോണുകൾ ഡ്യൂവൽ ഡിവൈസ് കണക്ഷനെ പിന്തുണയ്ക്കുന്നു. അതായത് ഒരേ സമയം രണ്ട് ഉപകരണങ്ങളുമായി ജോടിയാക്കാനാകും.

റിയൽമി ബഡ്‌സ് ടി310ൽ, നോയ്‌സ് ക്യാൻസലേഷൻ ഓഫ് ചെയ്‌താൽ ഒറ്റ ചാർജിൽ 40 മണിക്കൂർ വരെ മൊത്തം പ്ലേബാക്ക് സമയം വാഗ്ദാനം ചെയ്യുമെന്ന് അവകാശപ്പെടുന്നു. നോയ്‌സ് ക്യാൻസലേഷൻ ഫീച്ചർ ഓണാക്കിയാൽ, ഇയർഫോണുകൾ മൊത്തം 26 മണിക്കൂർ വരെ ബാറ്ററി ലൈഫ് വാഗ്ദാനം ചെയ്യുമെന്ന് പറയപ്പെടുന്നു. ഇയർഫോണുകൾ ഫാസ്റ്റ് ചാർജിംഗിനെ പിന്തുണയ്ക്കുന്നു.

കൂടാതെ 10 മിനിറ്റ് ചാർജിനൊപ്പം 5 മണിക്കൂർ മ്യൂസിക് പ്ലേബാക്ക് വാഗ്ദാനം ചെയ്യുമെന്ന് അവകാശപ്പെടുന്നു. അതോടൊപ്പം റിയൽമി ബഡ്‌സ് ടി310 ഇയർബഡുകൾ പൊടി, സ്പ്ലാഷ് പ്രതിരോധം എന്നിവയ്ക്കായി IP55 റേറ്റിംഗുമായി വരുന്നു. SBC, AAC ഓഡിയോ കോഡെക്കുകൾക്ക് ഒപ്പം ബ്ലൂടൂത്ത് 5.4 കണക്റ്റിവിറ്റിയെയും സപ്പോർട്ട് ചെയ്യുന്നു.