ബഡ്ജറ്റിൽ ഒതുങ്ങുന്ന തരത്തിൽ സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് സുവർണ്ണാവസരവുമായി എത്തിയിരിക്കുകയാണ് ലാവ. അടുത്തിടെ കമ്പനി വിപണിയിൽ എത്തിച്ച ലാവ ബ്ലേസ് പ്രോ 5ജി സ്മാർട്ട്ഫോണാണ് ഇപ്പോൾ ഏറ്റവും കുറഞ്ഞ വിലയിൽ ലിസ്റ്റ് ചെയ്തിരിക്കുന്നത്. ബഡ്ജറ്റ് സെഗ്മെന്റിൽ ചുരുങ്ങിയ കാലയളവ് കൊണ്ട് തരംഗമായി മാറിയ ഈ ഹാൻഡ്സെറ്റുകളുടെ ഓഫർ വിലയെ കുറിച്ച് കൂടുതൽ അറിയാം.

8 ജിബി റാം പ്ലസ് 128 ജിബി ഇന്റേണൽ സ്റ്റോറേജിൽ എത്തിയ ഈ സ്മാർട്ട്ഫോണിന്റെ യഥാർത്ഥ വില 15,000 രൂപയാണ്. എന്നാൽ, ഉപഭോക്താക്കൾക്ക് ഇപ്പോൾ ഓഫർ വിലയായ 12,999 രൂപയ്ക്ക് ലാവ ബ്ലേസ് പ്രോ 5ജി വാങ്ങാനാകും. 21 ശതമാനം വിലക്കിഴിവാണ് ഒരുക്കിയിരിക്കുന്നത്. പ്രമുഖ ഓൺലൈൻ ഷോപ്പിംഗ് പ്ലാറ്റ്ഫോമായ ആമസോണിലാണ് ഓഫർ വിലയിൽ ഈ ഹാൻഡ്സെറ്റ് ലിസ്റ്റ് ചെയ്തിട്ടുള്ളത്. സ്റ്റാറി നൈറ്റ്, റേഡിയന്റ് പേൾ എന്നിങ്ങനെ ആകർഷകമായ രണ്ട് കളർ ഓപ്ഷനുകളിൽ ലാവ ബ്ലേസ് പ്രോ വാങ്ങാനാകും.

ഗ്ലെൻമാർക്ക് ലൈഫ് സയൻസിന്റെ ഓഹരികൾ സ്വന്തമാക്കാനൊരുങ്ങി പ്രശസ്ത സോപ്പ് നിർമ്മാണ കമ്പനിയായ നിർമ. ഏറ്റവും പുതിയ റിപ്പോർട്ട് പ്രകാരം, ഗ്ലെൻമാർക്ക് ലൈഫ് സയൻസിന്റെ 75 ശതമാനം ഓഹരികളാണ് നിർമ ലിമിറ്റഡ് ഏറ്റെടുത്തിരിക്കുന്നത്. ഓഹരി ഒന്നിന് 615 രൂപ നിരക്കിൽ 5,5615 കോടി രൂപയാണ് കരാർ തുക. 4,000 കോടി രൂപയുടെ കടം വീട്ടാനുള്ള നീക്കത്തിന്റെ ഭാഗമായാണ് ഗ്ലെൻമാർക്ക് ഫാർമ ഓഹരികൾ വിറ്റഴിക്കാൻ തീരുമാനിച്ചത്.

റെഗുലേറ്ററി, ഷെയർ ഹോൾഡർ അംഗീകാരം എന്നിവ ഉൾപ്പെടെ പതിവ് വ്യവസ്ഥകൾക്ക് വിധേയമായാണ് ഇടപാടുകൾ നടക്കുക. മരുന്ന് നിർമ്മാണത്തിലെ രാസ സംയുക്തങ്ങൾ നിർമ്മിക്കുന്ന കമ്പനിയാണ് ഗ്ലെൻമാർക്ക് ലൈഫ് സയൻസ്. അതേസമയം, സോപ്പും അനുബന്ധ ഉൽപ്പന്നങ്ങളും നിർമ്മിക്കുന്ന കമ്പനിയാണ് നിർമ. 1969-ലാണ് നിർമ വിപണിയിലെത്തിയത്. കഴിഞ്ഞ ഏപ്രിലിൽ ഐഡ്രോപ്സും, കോൺടാക്ട് ലെൻസും നിർമ്മിക്കുന്ന കമ്പനിയായ സ്റ്റെറികോമിനെ നിർമ ഏറ്റെടുത്തിരുന്നു

ഇന്ത്യയിലെ പ്രമുഖ ബിസിനസ് ഗ്രൂപ്പായ അദാനി ഗ്രൂപ്പ് പുതിയ നീക്കവുമായി രംഗത്ത്. അദാനി എയർപോർട്ട് ഹോൾഡിംഗ്സിനെ വേർപെടുത്തി ലിസ്റ്റഡ് കമ്പനിയാക്കി മാറ്റാനാണ് ലക്ഷ്യമിടുന്നത്. അടുത്ത രണ്ട് വർഷത്തിനുള്ളിൽ അദാനി എയർപോർട്ട് ഹോൾഡിംഗ്സിനെ വേർപെടുത്താനാണ് തീരുമാനം. അദാനി എന്റർപ്രൈസസിന്റെ പൂർണ്ണ ഉടമസ്ഥതയിലുള്ള ഉപകമ്പനിയാണ് എയർപോർട്ട് ബിസിനസ് വിഭാഗമായ അദാനി എയർപോർട്ട് ഹോൾഡിംഗ്സ്. 2025-ന്റെ അവസാനമോ, 2026-ന്റെ ആദ്യമോ ലിസ്റ്റിംഗ് ഉണ്ടാകാൻ സാധ്യതയുണ്ട്.

ലിസ്റ്റിംഗ് വിജയകരമായി പൂർത്തിയാക്കുന്നതോടെ അദാനി ഗ്രൂപ്പിൽ നിന്ന് ഓഹരി വിപണിയിലേക്ക് എത്തുന്ന പതിനൊന്നാമത്തെ കമ്പനിയായി അദാനി എയർപോർട്ട് ഹോൾഡിംഗ്സ് മാറും. അദാനി എന്റർപ്രൈസസിൽ നിന്ന് ഹൈഡ്രജൻ, എയർപോർട്ട്, സെന്റർ തുടങ്ങിയ ബിസിനസുകൾ 2025-നും 2028-നും ഇടയിൽ വേർപ്പെടുത്തുമെന്ന് ഈ വർഷം ജനുവരിയിൽ അദാനി ഗ്രൂപ്പ് സൂചനകൾ നൽകിയിരുന്നു. രാജ്യത്തെ എട്ടോളം എയർപോർട്ടുകളിലായി ഗതാഗത, ചരക്ക് നീക്ക ബിസിനസിനാണ് അദാനി എയർപോർട്ട് ഹോൾഡിംഗ്സ് നേതൃത്വം നൽകുന്നത്. നിലവിൽ, നവി മുംബൈ എയർപോർട്ടിന്റെ പ്രവർത്തനങ്ങൾക്ക് മേൽനോട്ടം വഹിക്കുന്നുണ്ട്.

യൂട്യൂബിലും മറ്റും വീഡിയോകൾ കാണുമ്പോഴും, ഗൂഗിളിൽ തിരയുമ്പോഴും പരസ്യങ്ങൾ ദൃശ്യമാകാറുണ്ട്. ഇവയിൽ ഭൂരിഭാഗവും ഉപഭോക്താക്കൾക്ക് അരോചകം തന്നെയാണ്. എന്നാൽ, വാട്സ്ആപ്പിലും കൂടി പരസ്യം എത്തിയാലോ? കേൾക്കുമ്പോൾ നെറ്റി ചുളിയുമെങ്കിലും, ഇത് സംബന്ധിച്ച സജീവ ചർച്ചകൾക്ക് മെറ്റ തുടക്കമിട്ടിട്ടുണ്ടെന്നാണ് റിപ്പോർട്ടുകൾ. ചാറ്റുകൾക്കിടയിൽ പരസ്യങ്ങൾ എങ്ങനെ കാണിക്കാം എന്നതിനെക്കുറിച്ചാണ് മെറ്റ കോർപ്പറേഷന്റെ ടീം ചർച്ചകൾ സംഘടിപ്പിക്കുന്നത്. ചാറ്റ് ലിസ്റ്റിന് ഇടയിലായാണ് പരസ്യങ്ങൾ ദൃശ്യമാകാൻ സാധ്യത.

വാട്സ്ആപ്പിൽ നിന്നും വരുമാനം ഉണ്ടാക്കുന്നതിന്റെ ഭാഗമായാണ് മെറ്റയുടെ പുതിയ പദ്ധതി. ഉപഭോക്താക്കൾക്കായി തുടരെത്തുടരെ അപ്ഡേറ്റുകൾ പുറത്തിറക്കുന്നതിനാൽ, മെറ്റ എപ്പോൾ വേണമെങ്കിലും ചാറ്റുകൾക്കിടയിൽ പരസ്യങ്ങൾ എത്തിച്ചേക്കാമെന്നാണ് വിദഗ്ധരുടെ വിലയിരുത്തൽ. ഇത് സംബന്ധിച്ച് മെറ്റ ഇതുവരെ അന്തിമ തീരുമാനം എടുത്തിട്ടില്ല. ഉപഭോക്താക്കളുടെ സുരക്ഷയ്ക്ക് കൂടുതൽ പ്രാധാന്യം നൽകുന്നതിനാൽ, എളുപ്പത്തിൽ പരസ്യങ്ങൾ ഉൾപ്പെടുത്താൻ സാധിക്കില്ലെന്നാണ് സൂചന. ഇതിനുപുറമേ, വാട്സ്ആപ്പ് ഉപയോഗിക്കാൻ സബ്സ്ക്രിപ്ഷൻ ഫീസ് ഈടാക്കണോ എന്ന കാര്യവും മെറ്റയുടെ ആലോചനയിൽ ഉണ്ട്.

കൊച്ചി: തുടർച്ചയായി രണ്ടം ദിനവും സ്വർണവിലയിൽ വർധന. ഇന്ന് (16/19/20233) പവന് 160 രൂപ വർധിച്ച് ഒരു പവന്‍ സ്വർണത്തിന്‍റെ വില 43,920 രൂപയായി.

ഒരു ഗ്രാമിന് 20 രൂപയാണ് ഉയർന്നത്. 5490 രൂപയാണ് ഒരു ഗ്രാമം സ്വർണത്തിന്‍റെ ഇന്നത്തെ വില.

ഇന്നലെയും പവന് 160 രൂപ വർധിച്ചിരുന്നു. കഴിഞ്ഞമാസം 21 മുതൽ സ്വർവില ഉയരുന്ന കാഴ്ചയാണ് കണ്ടത്. രണ്ടാഴ്ചക്കിടെ ഏകദേശം 1000 രൂപ വർധിച്ച് 44,240 രൂപയായി ഉയർന്ന് ഈ മാസത്തെ ഏറ്റവും ഉയർന്ന നിലവാരത്തിലെത്തി. തുടർന്നുള്ള 2 ദിവസങ്ങളിൽ സ്വർണവില കുറഞ്ഞിരുന്നു എങ്കിലും ഇപ്പോൾ വീണ്ടും ഉ‍യരുന്ന കാഴ്ചയാണ് കാണുന്നത്.