സംസ്ഥാനത്തെ പ്രമുഖ വ്യാവസായിക അസംസ്കൃത വസ്തു നിർമ്മാതാക്കളായ നിറ്റ ജെലാറ്റിൻ ഒന്നാം പാദഫലങ്ങൾ പ്രഖ്യാപിച്ചു. റിപ്പോർട്ടുകൾ പ്രകാരം, നടപ്പു സാമ്പത്തിക വർഷം ഏപ്രിൽ മുതൽ ജൂൺ വരെയുള്ള ഒന്നാം പാദഫലങ്ങളിൽ 28.15 കോടി രൂപയുടെ സംയോജിത ലാഭമാണ് നേടിയത്. മുൻ വർഷം സമാന പാദത്തിൽ 12.96 കോടി രൂപയുടെ ലാഭവും, കഴിഞ്ഞ സാമ്പത്തിക വർഷം മാർച്ച് പാദത്തിൽ 16.77 കോടി രൂപയുടെ ലാഭവുമാണ് കൈവരിച്ചിരിക്കുന്നത്. അതേസമയം, ഇത്തവണ മൊത്തം വരുമാനത്തിൽ നേരിയ ഇടിവ് രേഖപ്പെടുത്തി.

മൊത്തം വരുമാനം വാർഷികാടിസ്ഥാനത്തിൽ കഴിഞ്ഞ വർഷം ജൂൺ പാദത്തിലെ 135.56 കോടി രൂപയിൽ നിന്നും 131.28 കോടി രൂപയായാണ് കുറഞ്ഞിരിക്കുന്നത്. അസംസ്കൃത വസ്തുക്കളുടെ വിലയിൽ ഉണ്ടായ ഇടിവാണ് മൊത്തം വരുമാനം കുറഞ്ഞിട്ടും, മികച്ച ലാഭം കൈവരിക്കാൻ കമ്പനിയെ സഹായിച്ച പ്രധാന ഘടകം. നിലവിൽ, പ്ലാന്റിന്റെ വിപുലീകരണ പ്രവർത്തനങ്ങൾ പുനഃപരിശോധിക്കാൻ ഡയറക്ടർ ബോർഡ് തീരുമാനിച്ചിട്ടുണ്ട്. ആഗോളതലത്തിൽ സാമ്പത്തിക പ്രതിസന്ധി നിലനിൽക്കുന്ന സാഹചര്യത്തിലാണ് പുതിയ നീക്കം. കമ്പനിയുടെ ജലാറ്റിൻ വിഭാഗത്തിലെ കൊളാഷൻ പെറ്റൈഡിന്റെ വാർഷിക ഉൽപ്പാദനശേഷി 450 ലക്ഷം ടണ്ണാണ്. ഇത് 1000 ടണ്ണായി ഉയർത്തുന്നതിനുള്ള നടപടിയാണ് പുനഃപരിശോധിക്കുന്നത്.

ആകർഷകമായ ഡിസൈനിലും ഫീച്ചറിലുമുളള ടാറ്റയുടെ കോംപാക്ട് എസ്‌യുവിയായ പഞ്ചിന്റെ സിഎൻജി മോഡൽ വിപണിയിൽ അവതരിപ്പിച്ചു. ഉപഭോക്താക്കൾ കാത്തിരുന്ന മോഡൽ കൂടിയാണിത്. ഇത്തവണ ഇന്റീരിയറുകളിൽ കാര്യമായ മാറ്റങ്ങൾ വരുത്താതെയാണ് സിഎൻജി മോഡൽ അവതരിപ്പിച്ചിരിക്കുന്നത്. പ്യുവർ, അഡ്വഞ്ചർ, അഡ്വഞ്ചർ റിഥം, അക്പ്ലിഷ്ഡ്, അക്പ്ലിഷ്ഡ് ഡാസിൽ എന്നിങ്ങനെ 5 വേരിയന്റുകളിലാണ് വാഹനം എത്തുക

വോയ്‌സ് അസിസ്‌റ്റോട് കൂടിയ ഇലക്ട്രിക് സണ്‍റൂഫ്, ഫ്രണ്ട് സീറ്റ് ആംറെസ്റ്റ്, യുഎസ്ബി സി ടൈപ്പ് ചാര്‍ജര്‍, ഷാര്‍ക്ക് ഫിന്‍ ആന്റിന, ഓട്ടോമാറ്റിക് പ്രൊജക്ടര്‍ ഹെഡ്‌ലാമ്പുകള്‍, എല്‍ഇഡി ഡിആര്‍എല്‍, 16 ഇഞ്ച് ഡയമണ്ട് കട്ട് അലോയ് വീലുകള്‍, 7 ഇഞ്ച് ടച്ച് സ്‌ക്രീന്‍ തുടങ്ങിയ പ്രീമിയം ഫീച്ചറുകളാണ് പഞ്ചിന്റെ പ്രധാന ആകർഷണീയത. 1.2 ലിറ്റർ ത്രീ സിലിണ്ടർ എൻജിനാണ് വാഹനത്തിന് കരുത്ത് പകരുന്നത്. ആൻഡ്രോയിഡ് ഓട്ടോ, ആപ്പിൾ കാർ പ്ലേ കണക്ടിവിറ്റി എന്നിവ ഉൾക്കൊള്ളിച്ചിട്ടുണ്ട്. പഞ്ചിന്റെ സിഎൻജി മോഡലിന് 7.10 ലക്ഷം രൂപ മുതൽ 9.68 ലക്ഷം രൂപ വരെയാണ് എക്സ് ഷോറൂം വില.

അമേരിക്കൻ കോടീശ്വരൻ ഐലോൺ മാസ്കിന്റെ വൈദ്യുത വാഹന കമ്പനിയായ ടെസ്‌ല ഇന്ത്യൻ മണ്ണിലേക്കും എത്തുന്നു. മാസങ്ങൾക്ക് മുമ്പ് തന്നെ ഇതുമായി ബന്ധപ്പെട്ട സൂചനകൾ ടെസ്‌ല നൽകിയിരുന്നു. എന്നാൽ, ഇന്ത്യയിലേക്കുള്ള വരവ് ഉടൻ ഉണ്ടാകുമെന്ന സൂചനകളാണ് വീണ്ടും നൽകിയിരിക്കുന്നത്. റിപ്പോർട്ടുകൾ പ്രകാരം, പൂനെയിലെ പഞ്ച്ഷീൽ ബിസിനസ് പാർക്കിൽ ടെസ്‌ല ഓഫീസ് വാടകയ്ക്ക് എടുത്തിട്ടുണ്ട്. ടെസ്‌ലയുടെ ഇന്ത്യൻ സബ്‌സിഡിയറിയായ ടെസ്‌ല ഇന്ത്യ മോട്ടോർ ആൻഡ് എനർജി പ്രൈവറ്റ് ലിമിറ്റഡ് ടേബിൾ സ്പെയ്സ് ടെക്നോളജീസ് പ്രൈവറ്റ് ലിമിറ്റഡുമായി അഞ്ച് വർഷത്തെ വാടക കരാറിലാണ് കമ്പനി ഒപ്പുവെച്ചിരിക്കുന്നത്.

ഇന്ത്യൻ വാഹന വിപണിക്ക് അനുയോജ്യമായ കാർ ഇന്ത്യയിൽ തന്നെ നിർമ്മിക്കാനാണ് ടെസ്‌ല പദ്ധതിയിടുന്നത്. കൂടാതെ, ഇന്ത്യൻ നിർമ്മിത കാറുകൾ മറ്റ് രാജ്യങ്ങളിലേക്ക് കയറ്റി അയക്കാനും ശ്രമങ്ങൾ നടത്തുന്നുണ്ട്. ഇത്തരത്തിൽ ഇന്ത്യയിൽ നിർമിക്കുന്ന കാറുകൾക്ക് 20 ലക്ഷം രൂപ വില പ്രതീക്ഷിക്കാവുന്നതാണ്. പ്രധാനമന്ത്രി നരേന്ദ്രമോദിയുമായി ഐലോൺ മാസ്‌ക് നടത്തിയ ചർച്ചയ്ക്കൊടുവിലാണ് ഇന്ത്യൻ വിപണിയിലേക്ക് എത്തുന്നത്. അതേസമയം, കാർ നിർമ്മാണം ആരംഭിക്കുന്നതിന് മുന്നോടിയായി കേന്ദ്ര വ്യവസായ മന്ത്രി പിയൂഷ് ഗോയലുമായി ടെസ്‌ല അതോറിറ്റി ചർച്ചകൾ സംഘടിപ്പിച്ചിട്ടുണ്ട്.

ഓ​ഗസ്റ്റ് മാസം ആഘോഷങ്ങളുടെ സമയമാണ്. മലയാളിയെ സംബന്ധിച്ച് ഓണം വാതിൽക്കലെത്തി. ചെലവ് അൽപം കൂടുമെന്നതിൽ തർക്കമില്ല. ഈ ഓണ ചെലവുകൾ കൂടാതെ നയങ്ങൾ മാറുന്നതോടെ കാത്തിരിക്കുന്ന അധിക ചെലവുകൾ കൂടിയുണ്ട്. ഏപ്രിൽ, ജൂൺ മാസങ്ങളിൽ റിസർവ് ബാങ്ക് ഓഫ് ഇന്ത്യയുടെ പണനയ അവലോകന യോ​ഗം റിപ്പോ നിരക്കിൽ മാറ്റമില്ലാതെ നിലനിർത്തിയിട്ടുണ്ട്. മുന്നോട്ടും ഈ നില തുടരാൻ ആർബിഐ തീരുമാനിക്കുമോ എന്നാണ് അറിയേണ്ടത്.

ജൂലായിയിൽ യുഎസ് ഫെഡറൽ റിസർവ് വായ്പാ നിരക്ക് കാൽ ശതമാനം ഉയർത്തിയതിനെ തുടർന്ന് ഈ ചോ​ദ്യം ശക്തമാണ്. റിപ്പോ നിരക്ക് ഉയർത്തിയാലും താഴ്ത്തിലായും അത് ബാങ്ക് നിക്ഷേപങ്ങളോ വായ്പയോ ഉള്ളവരെ ബാധിക്കും. അതോടൊപ്പം മറ്റു ചില മാറ്റങ്ങളും ഓ​ഗസ്റ്റ് മാസത്തിൽ കാത്തിരിക്കുന്നുണ്ട്. ഇവ വിശദമായി നോക്കാം.

ആദായ നികുതി റിട്ടേൺ വെരിഫൈ ചെയ്യാം
ആദായ നികുതി റിട്ടേൺ ഫയൽ ചെയ്തതിന് ശേഷം ആദായനികുതി വകുപ്പ് പ്രോസസ്സിംഗ് ആരംഭിക്കുന്നതിന് മുൻപായി റിട്ടേൺ വെരിഫൈ ചെയ്യേണ്ടത് നികുതിദായകന്റെ ഉത്തരവാദിത്വമാണ്. ആധാർ, പ്രീ-വാലിഡേറ്റഡ് ബാങ്ക് അക്കൗണ്ട്, ഡീമാറ്റ് അക്കൗണ്ട് തുടങ്ങിയവ ഉപയോഗിച്ച് ആദായ നികുതി ഇ-ഫയലിംഗ് പോർട്ടൽ വഴി ഓൺലൈനായി റിട്ടേൺ വെരിഫൈ ചെയ്യാവുന്നതാണ്. ആദായ നികുതി റിട്ടേൺ ഫയൽ ചെയ്ത തീയതി മുതൽ 30 ദിവസത്തിനുള്ളിൽ റിട്ടേൺ വെരിഫൈ ചെയ്യണം. ഓ​ഗസ്റ്റിനുള്ളിൽ ഈ നടപടി പൂർത്തിയാക്കണം.

ആർബിഐ റിപ്പോ നിരക്ക് ഉയർത്തുമോ
യുഎസ് ഫെഡറൽ റിസർവ് ജൂലായ് 26 ന് പലിശ നിരക്ക് വർധിപ്പിച്ചതോടെ 2001 ന് ശേഷമുള്ള ഏറ്റവും ഉയർന്ന നിലയിലേക്ക് പലിശ നിരക്കെത്തി. തുടർ വർധനവിന്റെ സാധ്യത സൂചിപ്പിക്കുകയും ചെയ്തിട്ടുണ്ട്. 2023-24 സാമ്പത്തിക വർഷത്തിലെ ആർബിഐയുടെ മൂന്നാം ധനനയ യോ​ഗം ഓഗസ്റ്റ് 10- നാണ് ചേരുക. ഈ യോ​ഗത്തിൽ യുഎസ് ഫെഡിന്റെ സമീപനം സ്വാധീനിക്കാമെന്ന് വി​ദ​ഗ്ധർ പറയുന്നത്.

ഓഗസ്റ്റിൽ ആർബിഐ നിരക്ക് വർധിപ്പിക്കുമോ തൽസ്ഥികതി തുടരുമോ എന്ന് കണ്ടറിയണം. ഏപ്രിൽ, ജൂൺ മാസത്തിൽ റിപ്പോ നിരക്കിൽ തൽസ്ഥിതി തുടർന്നത് വായ്പയെടുത്തവർക്ക് ആശ്വാസമായിരുന്നു. ആർബിഐ പലിശ നിരക്ക് ഉയർത്തിയാൽ ബാങ്കുകൾ ഭവന വായ്പകളുടെയും റിപ്പോ നിരക്കുമായി ബന്ധിപ്പിച്ചിട്ടുള്ള മറ്റ് വായ്പകളുടെയും പലിശ ഉയർത്തും.

വെെകിയുള്ള റിട്ടേണും ഫയൽ ചെയ്യുക
ജൂലായ് 31 ആണ് ആദായ നികുതി റിട്ടേൺ ഫയൽ ചെയ്യുന്നതിനുള്ള അവസാന തീയതി. സമയ പരിധിക്കുള്ളിൽ റിട്ടേൺ സമർപ്പിക്കാൻ സാധിക്കാത്തവരാണെങ്കിൽ പിഴ അടച്ച് റിട്ടേൺ സമർപ്പിക്കാൻ ഓ​ഗസ്റ്റ് 1 മുതൽ ഡിസംബർ 31 വരെ സമയമുണ്ട്. വരുമാനം 5 ലക്ഷം രൂപയിൽ കൂടുതലാണെങ്കിൽ റിട്ടേൺ ഫയൽ ചെയ്യുന്നതിൽ കാലതാമസം വരുത്തിയതിനുള്ള പിഴ 5,000 രൂപ നൽകണം. വരുമാനം 5 ലക്ഷം രൂപയിൽ താഴെയാണെങ്കിൽ 1,000 രൂപയാണ് പിഴ അടയ്‌ക്കേണ്ടത്.

ആഘോഷാനാളുകളിലെ ചെലവാക്കലുകൾ
ഓഗസ്റ്റിൽ ആഘോഷത്തിന്റെ നാളുകളാണ്. സ്വാതന്ത്ര്യദിനവും ഓണവും രക്ഷാബന്ധനുമാണ് ഓ​ഗസ്റ്റിലെ പ്രധാന ആഘോഷ വേളകൾ. ഇ-കൊമേഴ്‌സ് വെബ്‌സൈറ്റുകൾ, റീട്ടെയിൽ ശൃംഖലകൾ എന്നിവ ഷോപ്പിംഗ് ഓഫറുകൾ അവതരിപ്പിക്കുമ്പോൾ സ്മാർട്ട് ചെലവാക്കലുകൾക്കായി ഒരു ബജറ്റ് തയ്യാറാക്കേണ്ടതുണ്ട്. ഓണത്തിന് വാങ്ങേണ്ടത് എന്തൊക്കെ, ഓൺലൈനിൽ ഓഫർ വരുമ്പോൾ വാങ്ങേണ്ടവയുടെ പട്ടിക എന്നിവ തരംതിരിക്കാം. ലിസ്റ്റ് അനുസരിച്ച് വാങ്ങുന്നത് അമിത ചെലവാക്കലുകൾ ഒഴിവാക്കാൻ സഹായിക്കും. ക്രെഡിറ്റ് കാർഡ് ഉപയോ​ഗിക്കുന്നവരാണെങ്കിൽ ക്യാഷ്ബാക്ക് ലഭിക്കുന്നിടത്ത് നിന്ന് വാങ്ങാൻ ശ്രദ്ധിക്കുക.

സ്ഥിര നിക്ഷേപം
നിരവധി സ്ഥിര നിക്ഷേപങ്ങളുടെ കാലാവധി ഓഗസ്റ്റ് മാസത്തില്‍ അവസാനിക്കുന്നുണ്ട്. ഐഡിബിഐ അമൃത് മഹോത്സവ് സ്ഥിര നിക്ഷേപം ഓഗസ്റ്റ് 15 ന് കാലാവധി അവസാനിക്കും. എസ്ബിഐ അമൃത് കലാശ് സ്ഥിര നിക്ഷേപവും ഓഗസ്റ്റ് 15 ന് അവസാനിക്കും. ഇന്ത്യന്‍ ബാങ്ക് ഐഎന്‍ഡി സൂപ്പര്‍ 400 സ്ഥിര നിക്ഷേപവും ഓഗസ്റ്റ് 30 ന് അവസാനിക്കും.

കൊച്ചി: ആഗോള വിപണിയിൽ മന്ദ്യം രൂപ മാക്കുന്നതി നിടയിലും മികച്ച വളർച്ച. നേതൻ ഇൻഡ്യൻ ഐടി കമ്പനികൾ പുതുതന്ത്രങ്ങൾ തേടി. അമേരിക്കൻ ഡോളറിനേതിരേ രൂപയുടെ മൂല്യം കുത്തനെ കുറഞ്ഞതിനാൾ രാജ്യ ന്തര വിപണിയിൽ കൂടുതൽ മത്സരക്ഷമത നേതാ നാക്കുമെന്ന കമ്പനിക ൾ വിലയിരുത്തുന്നത്.

അടുത്ത വർഷം വർഷത്തി നുള്ളിയിൽ 35,000 കോടി ഡോളറിൻ്റെ കയറ്റുമതി വരുമാൺ ഇൻഡ്യൻ ഐടി മേഖലലക്ഷ്യമിടുക്ക്. ആഗോള വിപണിയിൽ കൂടുതൽ ഉപയോക്തകളെ കണ്ടത്തിയും നവീന ഉത്പന്ന ങ്ങൾ വിപണിയിൽ അവതരിപ്പും പരമാവധി വരുമാനം കണ്ടെത്താനാൺ ക മ്പനികൾ ശ്രദ്ധ പതിയുന്നത്.

കൊവിഡ് വ്യാപനത്തിൻ്റെയും തുടർച്ചായ ലോക്ക്ഡൗണിന്റെയും പശ്ചാത്തലത്തിൻ്റെയും ൽ ഡിജിറ്റലൈസേഷനും ഓൺലൈനും ബിസിന സുകളും മികച്ച വളർച്ച നേറ്റുന്നതിനാ അടുത്ത വർഷങ്ങളിൽ 20 ശതമാനത്തിളധികം വളർച്ച ഐടി മേഖലയിൽ നേ ടാനാകുമെന്നാൺ നാസ്കോമിന്റെ വിലയിരുത്തൽ. കഴിഞ്ഞ സാമ്പത്തിക വർഷത്തിൽ ഇൻഡ്യൻ ഐടി മേഖല 19,000 കോടി ഡോളർ റ്റുമതി വരുമാനം നേരുന്നു.

ക​ഴി​ഞ്ഞ ര​ണ്ടു വ​ര്‍ഷ​ത്തി​നി​ടെ ഇ​ന്ത്യ​യി​ലെ സ്റ്റാ​ര്‍ട്ട​പ്പു​ക​ളി​ലേ​ക്ക് 20000 കോ​ടി ഡോ​ള​റി​ല​ധി​ക​മാ​ണ് നി​ക്ഷേ​പ​മാ​യെ​ത്തി​യ​ത്. രാ​ജ്യ​ത്തെ ഐ​ടി മേ​ഖ​ല​യി​ലെ മി​ക​ച്ച വ​ള​ര്‍ച്ചാ സാ​ധ്യ​ത​യാ​ണ് കൂ​ടു​ത​ല്‍ നി​ക്ഷേ​പം ഇ​ന്ത്യ​ന്‍ ക​മ്പ​നി​ക​ള്‍ക്ക് ല​ഭി​ക്കാ​ന്‍ സ​ഹാ​യി​ക്കു​ന്ന​തെ​ന്ന് ഈ ​രം​ഗ​ത്തു​ള്ള​വ​ര്‍ ചൂ​ണ്ടി​ക്കാ​ട്ടു​ന്നു.

കൊ​വി​ഡ് കാ​ല​ത്തി​ന് മു​ന്‍പ് ഇ​ന്ത്യ​ന്‍ ഐ​ടി രം​ഗം ആ​റു മു​ത​ല്‍ ഏ​ഴ് ശ​ത​മാ​നം വ​രെ വ​ള​ര്‍ച്ച​യാ​ണ് നേ​ടി​യി​രു​ന്ന​ത്. ലോ​കം കൂ​ടു​ത​ല്‍ ഡി​ജി​റ്റ​ലാ​യ​തോ​ടെ വ​ള​ര്‍ച്ചാ നി​ര​ക്ക് 15 ശ​ത​മാ​ന​ത്തി​ന് മു​ക​ളി​ലേ​ക്ക് ഉ​യ​ര്‍ന്നു. നി​ല​വി​ല്‍ ലോ​ക​ത്തി​ലെ ഏ​റ്റ​വും മി​ക​ച്ച 50 ഐ​ടി ക​മ്പ​നി​ക​ളി​ല്‍ അ​ഞ്ചെ​ണ്ണം ഇ​ന്ത്യ​യി​ല്‍ നി​ന്നാ​ണ്.

ആ​ഗോ​ള ത​ല​ത്തി​ല്‍ ഏ​റ്റ​വും ഉ​യ​ര്‍ന്ന മൂ​ല്യ​മു​ള്ള ര​ണ്ടാ​മ​ത്തെ ഐ​ടി ബ്രാ​ന്‍ഡാ​യി ഇ​ന്ത്യ​യി​ലെ ടാ​റ്റ ക​ണ്‍സ​ള്‍ട്ട​ന്‍സി സ​ര്‍വീ​സ​സ് (ടി​സി​എ​സ്) മാ​റി. ലോ​ക​ത്തി​ലെ ഏ​റ്റ​വും മി​ക​ച്ച വ​ള​ര്‍ച്ച നേ​ടു​ന്ന ബ്രാ​ന്‍ഡ് ഇ​ന്ത്യ​യി​ലെ ഇ​ന്‍ഫോ​സി​സ് ടെ​ക്നോ​ള​ജീ​സാ​ണ്. വി​പ്രോ, അ​ക്സ​ഞ്ച​ര്‍, എ​ല്‍ ആ​ന്‍ഡ് ടി ​ഇ​ന്‍ഫോ, എ​ച്ച്സി​എ​ല്‍ എ​ന്നീ ഇ​ന്ത്യ​ന്‍ ഐ​ടി ബ്രാ​ന്‍ഡു​ക​ളും ലോ​ക വി​പ​ണി​യി​ല്‍ മി​ക​ച്ച വ​ള​ര്‍ച്ച​യാ​ണ് നേ​ടു​ന്ന​ത്.

ബ്രാൻഡ് മൂല്യത്തിലും ബിസിനസ് വളച്ചിലും അമേരിക്ക കമ്പിനികളേ പിന്നിലാ കിയാണ് ഇൻഡ്യൻ ഐടി സ്ഥാപനങ്ങൾ സ്വപ്‌ന സമാന മുന്നേറ്റം കാഴ്‌ചവെയ്‌ക്കുന്നത് . ഇത്നാൾ വരും വർഷങ്ങളിൽ ഇൻഡ്യൻ ഐടി രംഗത്തേക്ക് റെക്കോഡ് നിക്ഷേപം ഒഴുകി യെത്തുമെന്ന് കൊച്ചിയിലെ പ്രമുഖ ഐടി കമ്പിനിയുടെ ചീഫ് എക്‌സിക്യൂട്ടിവ് ഒഫിസർ ദീപു സക്കറിയ പറയുന്നു.

2022–23 സാമ്പത്തിക വർഷത്തേക്കുള്ള ആദായനികുതി റിട്ടേണുകൾ (ഐടിആർ) ഫയൽ ചെയ്യുന്നതിനുള്ള അവസാന തീയതി ജൂലൈ 31 ആണ്. പല നികുതിദായകരും സമയപരിധി പാലിക്കാനായുള്ള നെട്ടോട്ടത്തിലാണ്. എന്നാൽ, ഇതിനകം ഐടിആർ ഫയൽ ചെയ്ത അർഹരായവർക്ക് റീഫണ്ട് അയയ്ക്കുന്നതിനുള്ള നടപടികൾ ആദായനികുതി വകുപ്പ് ആരംഭിച്ചിട്ടുണ്ട്. നികുതിദായകൻ ബാങ്ക് അക്കൗണ്ട് വിവരങ്ങളും ശരിയായ വിലാസവും ഉൾപ്പെടെ ആവശ്യമായ എല്ലാ വിവരങ്ങളും നൽകിയിട്ടുണ്ടെങ്കിൽ, റീഫണ്ട് പ്രക്രിയ വേഗത്തിൽ നടക്കും. ഇലക്ട്രോണിക് ടാക്സ് ഫയലിംഗിനായി വെബ്സൈറ്റിൽ പ്രവേശിച്ച് “റീഫണ്ട് സ്റ്റാറ്റസ്” ഓപ്ഷൻ തിരഞ്ഞെടുക്കുന്നതിലൂടെ, നികുതിദായകർക്ക് അവരുടെ റീഫണ്ടിന്റെ പുരോഗതി പരിശോധിക്കാൻ കഴിയും.

ഐടിആർ റീഫണ്ട് പരിശോധിക്കുന്നതിനുള്ള സ്റ്റെപ്പുകൾ

ആദായ നികുതി ഇ-ഫയലിംഗ് പോർട്ടല്‍ സന്ദര്‍ശിക്കുക.

യൂസർ ഐഡി, പാസ്‌വേഡ്, ജനന തീയതി എന്നിവ ഉപയോഗിച്ച് ലോഗിൻ ചെയ്യുക.

“മൈ അക്കൗണ്ട്” വിഭാഗത്തില്‍ ക്ലിക്ക് ചെയ്യുക.

“റീഫണ്ട്/ഡിമാൻഡ് സ്റ്റാറ്റസ്” ഓപ്ഷനിൽ ക്ലിക്ക് ചെയ്യുക.

മൂല്യനിർണ്ണയ വർഷം, നില, റീഫണ്ട് നടക്കാത്തതിന്റെ കാരണം (എന്തെങ്കിലും ഉണ്ടെങ്കിൽ), പേയ്‌മെന്റ് രീതി എന്നിവ പോലുള്ള വിശദാംശങ്ങൾ പരിശോധിക്കാൻ സാധിക്കും.

സമയപരിധിക്കുള്ളിൽ ഐടിആർ ഫയൽ ചെയ്യുന്നതിൽ പരാജയപ്പെട്ടാൽ

നികുതിദായകർ അവരുടെ ഐടിആർ ജൂലൈ 31 ഞായറാഴ്ചയോ അതിന് മുമ്പോ സമർപ്പിച്ചിട്ടുണ്ടെന്ന് ഉറപ്പാക്കുക. ഫയൽ ചെയ്യുന്ന തീയതി നീട്ടുകയില്ലെന്ന് സർക്കാർ വ്യക്തമാക്കിയിട്ടുണ്ട്. സമയപരിധി കഴിഞ്ഞതിന് ശേഷം റിട്ടേൺ സമർപ്പിക്കുന്നതിന് നികുതിദായകൻ ‘ലേറ്റ് ഫയലിംഗ് ഫീസ്’ നൽകണം. 1961 ലെ ആദായനികുതി നിയമത്തിലെ സെക്ഷൻ 234F പ്രകാരം 5000 രൂപയാണ് ലെവി ചുമത്തുന്നത്. എന്നാൽ അഞ്ച് ലക്ഷം രൂപ വരെ മൊത്തം വരുമാനമുള്ള ചെറുകിട നികുതിദായകർക്ക് വൈകി ഫയൽ ചെയ്യുന്നതിനുള്ള ചെലവ് 1000 രൂപയിൽ കൂടുതലാകില്ല. വൈകിയ ഐടിആർ ഫയൽ ചെയ്യുന്നതിനുമുമ്പ്, ഈ ഫീസ് നൽകണം.

നികുതിദായകർ ഐടിആർ സമർപ്പിച്ചില്ലെങ്കിൽ എന്ത് സംഭവിക്കും

നികുതിദായകർക്ക് ഐടിആർ സമർപ്പിച്ചില്ലെങ്കിൽ ഈ മൂല്യനിർണയ വർഷത്തെ നഷ്ടം പരിഹരിക്കാന്‍ കഴിയില്ല. കൂടാതെ, കണക്കാക്കിയ നികുതിയുടെ കുറഞ്ഞത് 50 ശതമാനം അല്ലെങ്കിൽ മൂല്യനിർണ്ണയ നികുതിയുടെ 200 ശതമാനം വരെ പിഴ ചുമത്താം.